上年為教小朋友做月餅，努力咁研究冰皮奶皇月餅食譜，搵咗好多個不同食譜，自己再加減份量改良，試咗十幾次...整到身嗰個一見到開壇就怕lol...哈哈～～ 好似做個奶皇餡咁，除在決定用椰汁定忌廉...用幾多...仲有最重要係蒸定煮...樣樣要估要試效果.. 最終都比我做到香濃的軟滑奶皇餡，但又唔會軟到個月餅淋batbat，顧得到味道同口感，個樣一啲都唔遜色：DDDDD 依家睇返都好滿意～～ 今年目標要做脆皮奶皇，同埋芒果味嘅冰皮！！加油加油！！
奶皇冰皮月餅 Custard Snowy Mooncake
(10-12個細月餅份量)
奶皇餡
材料
A. 椰漿
30毫升 全蛋
兩隻 砂糖
30克
B. 麵粉
30克 吉士粉
30克
C. 椰漿
100毫升 淡奶
100毫升 牛油
30克
D. 鹹蛋黃
0.5-1隻 （可唔放）
做法
1. 鹹蛋黃隔水蒸5-10分鐘，放涼備用。
2.
將材料(A)混合，加入已篩的材料(B)，攪勻至完全沒有粉粒。
3.
把材料(C)煮至微滾，慢慢加入混合物，以慢火煮並不停攪勻(不停地攪！)，由稀糊狀邊煮邊攪至成一個粉糰，直至滑身。
4. 離火後，加入壓碎的鹹蛋蓉，拌勻。
5.
放涼後以保鮮紙包妥，置雪櫃冷藏至少4小時（我通常早一晚準備）
冰皮
材料
A. 牛奶
100毫升 煉奶
20毫升 菜油
20毫升
B. 糯米粉
25克 粘米粉
25克 澄麵
20克
C.
幼砂糖
40克
D. 橄欖油/生油
5毫升 (一茶匙)
E. 糕粉 (熟糯米粉)
30克
#
糕粉做法﹕把糯米粉以白鑊(乾淨無油)炒至微黃及散發粉香；或可在蛋糕材料店買
做法
1. 把材料(A)攪勻
2. 把已過篩的材料(B)倒入(A)，再加幼砂糖攪勻至完全沒有粉粒。
3. 在淺碟（縮短蒸的時間）上掃上橄欖油/生油，混合物過篩，倒進碟中，蓋上微波爐保鮮紙。
4.
以大火隔水蒸15-20分鐘至粉漿熟透。
5. 放涼至微暖時，將粉糰搓至滑身。(手撲少許糕粉可防黏)
合併
我用的月餅模係細size(50g), 30g餡:18g皮係我試過的黄金比例，如擔心皮易破，可加重皮的比例
1. 拆分奶皇餡每份30克，輕輕搓圓放回雪櫃備用（長期放係室溫會溶而變軟，好難包。如天氣熱就用時才從雪櫃取出吧！）
2. 拆分冰皮粉糰為每份18克，搓圓(工作枱面、捧及手拍上糕粉防黏)
3. 用捧把冰皮粉糰轆平，包入奶皇餡，收口後可用匙將多餘的冰皮粉糰去掉（用匙割邊會靚啲），然後搓靚個皮。
4. 輕輕灑糕粉，並拍走多餘的，搓成修長鵝蛋形（可減低模具刮破皮的機會），月餅模中亦灑少計糕粉可防止月餅黏住模
5. 最後利用月餅模具壓成形，要就力！太大力會壓爛，以及月餅皮會痴住個模，好難甩模；太細力又會壓唔出狀形。成形了！！冷藏數小時便可食用。
小小心得分享
做奶皇餡時，建議用易潔鑊加耐高溫的膠刮，為免黏底又唔怕個鑊花，無膠刮就只好用木匙。keep住攪令佢唔好燶外，亦有助快啲成一糰。奶皇餡會好加鹹蛋黄碎會香好多！食少少都唔算好唔健康～～
搓蒸熟了的冰皮時，初時會覺得好油好黏手，但搓搓吓就會有光澤、好滑好靚～！
由放好多材料都只用少少份量，而且好多以毫升作單位，建議用量匙！比用量杯方便及準確
之前吉之島做台灣食品節，promotor sell我試哩隻新東陽滷肉燥，佢話一開就可撈飯或麫食，好方便！向來鐘意食肉燥飯嘅我即管試試～ 味道ok啦，但的確好方便嘅～但多油咗啲又咸咗啲啲咁，餸白飯或清湯米線可能好啲掛～
